العودة

موضوع: العودة 2011-11-18, 19:12

السلام عليكم
الى المنتدى الاغلى على قلبي في هذا الكون
اتقدم من جديد ولكن بحب واشتيااااق اكبر لكل الاعضاء (اصدقائي جميعا) الذين لم انساهم ولا للحظة
انا صديقتكم ميمي قيرل التي تغيبت عن المنتدى لفترة اكتر من 9 اشهر تقريبا
ووجدت نفسي بحاجة الى وضع موضوع جديد للترحيب بي لانني وجدت اغلب الاسماء قد تغيرت وهناك ايضا اعضاء جدد لدينا وانضموا لعائلتنا
لذا انا هنا ولن اترككم ابدا وساكون ميمي المتحمسة التي تعرفونها جميعا
تحيااااااااااتي واشواااقي
ميمي

موضوع: رد: العودة 2011-11-19, 08:06

اهلا ميمو بنسبة للتغير والاسماء حتى انا نبي انغير بس تبيلي فترة تفكير شوية

ههههههههه واهلا ومرحبا بيك مرة تانية ياريت اتنورينا بمواضيعك الحلووووووه ...^_^

والله المدة يلي غبتي فيها ما انسيناك يا ميمي وفعلا كان مكانك فاضي ربي يحفضك وايخليك لنا ان شاء الله

موضوع: رد: العودة 2011-11-19, 09:45

هههههههههههههه اهلااااا ليون شني صار في امتحاناتك طمنيني ؟ ... والله كاني انا يلي كنت اندير في امتحانات

موضوع: رد: العودة 2011-11-19, 13:24

مرحبا ميمي كيف حالك؟ ان شاء الله تكوني بخير وبصحه جيده انتِ والعائله

اكيده وانتِ مش قاعده صارت ثغره كبيره وافتقدناك جميعا المنتدى اصبح ناقصه شيء..ناقصه مشاركات مميزه منك والله
وان شاء الله بعد العوده ستنكسر عقدة عدم النشاط في المنتدى كلها

مرحبا بيك مجددا معنا

^_________^

موضوع: رد: العودة 2011-11-19, 14:28

اقتباس :: هههههههههههههه اهلااااا ليون شني صار في امتحاناتك طمنيني ؟ ... والله كاني انا يلي كنت اندير في امتحانات

هههههههههه امتحاناتي اه هههههههه تي مش عصيدة درت عصيدة اطير العقل دزيتلك منها كيف ما جاتكش في الرياضيات انا جتني الورقة طارن القوانين كلهن مع اني سهرت الليل وانا نقرا بعدها في نص الامتحان نعست ههههههههه بيلي ما خداني النوم ع الورقة كان هضا راهم طلعوني برا ههههههههه والله ربك يستر يا ميمي كان ما انــ..... هههههههه ان شاء الله خير امغار دعواتك ليا بس فا الدعاء يرد البلاء ^_^

موضوع: رد: العودة 2011-11-19, 17:05

Ỹami Ỷugi كتب:

مرحبااااااااااااااااااااااااا هلال كيف الحال ؟
لا الحمد لله كلنا تمام واليوم عاد كملت الفرحة بعد ما شدوا زيف الاحلام (مزيل البطشة)ههههههه
شكرااا لكلامك هلال والله اخجلت تواضعي
لا خلاص باذن الله كون هاني توا بنرجعوا كيف زمان واحسن
المطلووووب حمااااااااااااااس وهمة اكثر يا اعضاء
شكرا لك من جديد اخي هلال

موضوع: رد: العودة 2011-11-19, 17:16

LioN space Toon كتب:: هههههههههه امتحاناتي اه هههههههه تي مش عصيدة درت عصيدة اطير العقل دزيتلك منها كيف ما جاتكش في الرياضيات انا جتني الورقة طارن القوانين كلهن مع اني سهرت الليل وانا نقرا بعدها في نص الامتحان نعست ههههههههه بيلي ما خداني النوم ع الورقة كان هضا راهم طلعوني برا ههههههههه والله ربك يستر يا ميمي كان ما انــ..... هههههههه ان شاء الله خير امغار دعواتك ليا بس فا الدعاء يرد البلاء ^_^

هههههههههههههههه سويرة خطرتي عليا العصيدة والله خاطري فيها لكن ما عندناش رب هههه
تغير صبري بالك والله الا ماتنجحي واحسن نجاخ معاها قولي ما قالتهاش ميمي
والدعاء ما اتوصيش عليه بكل بكل انا قريب انقيم الليل وندعيلك
خليت العيلة كلها تدعيلك .. وباذن الله باذن الله موفقة يا سويرة
....................................................................
مبروووووك علينا شدوااا الطاغي ولد الطاغي

موضوع: رد: العودة 2011-11-20, 07:45

ههههههههههههه والله باهي باه ساهلة كان قتيلي نحنا درنا عصيدة الجمعة هدي بس بالعسل مدرنهش بالرب الجمعة يلي قبلها درناها بالرب المهم توا اندزلك شيشة الرب بالحمام الزاجل ههههههههه

والله ان شاء الله ننجح وانبشركم هههههههههههه سلميلي ع العائلة كلها فرد فرد الله بعدك انتوا منكم عبد السلام الاسمر هههههههههه بالك تطلعوا من احفاده ودعوتكم مجابة اسمعي اسمعي خلي زيليتن كلها تدعيلي بالك بصدفة اطيحي في احفاد عبد السلام خشي للجامع في الصلاة وخودي من الشيخ المايك واحكي هههههههههههه كان ما يرشوك بعد دوتك ويدعوا عليا وعليك هههههههههههه والف الف الف مبروك علينا مسكت سيف ^_____^

موضوع: رد: العودة 2011-11-20, 13:25

هاهاهاهاها يا سويرة انت ما تعرفيش ان احنى عائلتنا يعني من احفاد الشيخ عبد السلام الاسمر ... هههههه خشي النت واكتبي لقبي وابحتي تو تلقينا من احفاده وبعدين خلاص قلتلك كوني متريحة مدام زليتن يدعولك انت ناجحة باذن الله ههههههه

لالا بجديات توا نتكلم انا نعرفك ما تطلعيش الا وانت مجاوبة

الله محلاهن الامتحانات في عهد الحرية .... ايه والله يا سويرة خاطري فيها

سويرة خشي الياهو امتى ما تفضي نبيك ضروري

موضوع: رد: العودة 2011-11-21, 22:03

مليووووووووووونين الف الف الف مرحباااااااااااا بميمي حبيبة قلبي
منوووووووووورة يا شمعة المنتدى ^^

يا الله كم اشتقت لكك ميمي

لك وحشة ما تتصوري قديش حجمهاااااا

الف افل افل حمد لله على السلامة يا طيوووبة فرحت كثيير برجعتك

cheers

طمنينا عنك ما اخبارك و اخبار الدراسة؟ و اخبار الاهل و الاحبة؟ و كيف صحتك؟

يا رب باحسن الاحوال

موضوع: رد: العودة 2011-11-23, 10:31

اقتباس :: هاهاهاهاها يا سويرة انت ما تعرفيش ان احنى عائلتنا يعني من احفاد الشيخ عبد السلام الاسمر ... هههههه خشي النت واكتبي لقبي وابحتي تو تلقينا من احفاده وبعدين خلاص قلتلك كوني متريحة مدام زليتن يدعولك انت ناجحة باذن الله ههههههه

لالا بجديات توا نتكلم انا نعرفك ما تطلعيش الا وانت مجاوبة

الله محلاهن الامتحانات في عهد الحرية .... ايه والله يا سويرة خاطري فيها

سويرة خشي الياهو امتى ما تفضي نبيك ضروري

هههههههههههههههههه والله ماشاء الله كنت حاسة تعرفي لا مفش داعي انخش واندور يا ميمي ....ربي يحفظ اهل زليتن واهل ليبيا كلها ان شاء الله لا من ناحية منطلعش الا وانا مجاوبة هدي امعاك فيها حق بس لما تقعد الاجابات من تأليفي هدي حاجة اخرى هههههه والله حلوات ان شاء الله في الجامعة اتجربيهن ^_^
اوكي ميمي ان شاء الله توا انا فاتحة ع الياهو ان شاء الله بس اتخشي ^_^

موضوع: رد: العودة 2011-11-24, 13:35

x-Rain-x كتب:: مليووووووووووونين الف الف الف مرحباااااااااااا بميمي حبيبة قلبي
منوووووووووورة يا شمعة المنتدى ^^

يا الله كم اشتقت لكك ميمي لك وحشة ما تتصوري قديش حجمهاااااا

الف افل افل حمد لله على السلامة يا طيوووبة فرحت كثيير برجعتك

طمنينا عنك ما اخبارك و اخبار الدراسة؟ و اخبار الاهل و الاحبة؟ و كيف صحتك؟

يا رب باحسن الاحوال

زينب الغالية كيف هي اخبارك عزيزتي والله اشتقت لك اضعااف

اه الحمد لله احوال الاهل والاحبة بخير والحمد لله

ولكن الدراسة مازالت معطلة حتى الان بالنسبة للجامعات وعلى الارجح سنبدا مع اطلاله العام القادم ان شاء الله في الدراسة

هدا نورك يا زينب انت هي شمعة المنتدى وشمسه شكرا لك

موضوع: رد: العودة 2011-11-25, 08:58

لقد حدثتنى ليون سبيس تون عنك وكنت فى شوق لعودتك كثيرا من كلام ليون ...... اتمنى ان لا تغيبى هذه الفترة ثانيتا
تحياتى

موضوع: رد: العودة 2011-11-25, 14:35

سوسو كتب:: لقد حدثتنى ليون سبيس تون عنك وكنت فى شوق لعودتك كثيرا من كلام ليون ...... اتمنى ان لا تغيبى هذه الفترة ثانيتا
تحياتى

اهلا اهلا سوسو .. اجل لقد اخبرتني صديقتي ليون عنك ايضا .. تشرفت بمعرفتك

واتمنى ان لا اغيب تانية عنكم